Кеңес әскерлерінің Ауғанстан жерінен шығарылғанына 35 жыл толуына орай «Балқаш қаласының мемлекеттік архиві» КММ және «Балқаш қаласының жастар ресурстық орталығы» КММ колледж студенттері мен, ауған соғысының ардагерлерімен кездесуі ұйымдастырылды. Қонақ ретінде жауынгерлік ұрыстарға қатысушылар -«Жауынгерлік бауырластық» қоғамдық бірлестігінің төрағасы Б.Мұхамедиев және Л.М.Нұрғалиева, Т.В.Гущина, В.В.Гиммель қатысты.

«Ұрпағымызға тарихты сақтаймыз: архивке құжат сыйлаймыз» атты мерзімсіз акция аясында «Балқаш жауынгер-интернационалистер» құжаттар топтамасының тұсаукесері өтті. Кездесуге қатысушылардың назарына ауған жерінде өзінің интернационалдық борышын орындаған әскери жауынгерлер С.Нұрғалиевті, А.Антоновты, С.Оразалинді мәңгі есте сақтау мақсатында жауынгерлердің хаттары, бұйрықтардан үзінділер, архивтік материалдар ұсынылды.

Шақырылған қонақтар бейбіт халықты қорғау бойынша өз миссиясын орындаған кеңес сарбаздарының ерлігі мен батырлығы туралы естеліктерімен бөлісті

«Ауғанстанда от кешкен тағдырлар» атты архивтік материалдар - әлеуметтік портреттер, соғысқа қатысушылардың бүгінгі үлестерін бейнелейтін фотоқұжаттар, ауған соғысының ардагерлерінің отансүйгіштікке және Отанға деген сүйіспеншілікке қосқан үлесі студенттердің қызығушылығын арттырды.