2023 жылдың 30 наурызында Балқаш қаласының мемлекеттік архивінде мемлекеттік архивтің негізгі дереккөздері (источники комплектования) болып табылатын сот және қадағалау жүйесі саласындағы мекемелерінің іс-жүргізушілер мен архивариустарына құжаттарды сақтау, есепке алу және пайдалану тәртібі бойынша оқыту семинары өтті.
Семинарда істерді қалыптастыру, құжаттың құндылығына сараптама жасау, істерді тігу, тұрақты сақталатын және жеке құрам бойынша істерге тізімдеме жасау, сақтауға жатпайтын құжаттарға жою актісін жасау туралы талқыланды.
Семинар барысында қатысушылардың сақтауға жатпайтын құжаттарды жоюға бөлу туралы, жеке құрам бойынша тізімдемеге қандай құжаттар енгізіледі, ведомстволық архивтің паспортын жасау туралы, істерді қалыптастыру бойынша, істерді тігу және өңдеу бойынша тағы да басқа сұрақтарына архившілер толық қанды жауап берді.
