Мемлекет басшысы Қасым – Жомарт Тоқаев  Қазақстандықтарға арнаған жаңа жылдық Үндеуінде 2022 жылды «Балалар жылы» деп жариялап,  2022 жылғы 19 қаңтардағы Жарлықпен бекітті. Осы Жарлыққа сәйкес  Қазақстан Республикасы  Мәдениет және спорт министрлігінің бастамасымен ұйымдастырылған  «Архив және болашақ ұрпақ» атты республикалық жоба аясында Балқаш қаласы мемлекеттік архивінде 2022 жылдың 21 қыркүйегінде  Ашық есік күні өткізілді.

Іс – шара мақсаты: архив құжаттарын насихаттай отырып өлке тарихына өскелең ұрпақтың қызығушылығын арттыру, Отанға деген патриоттық сезімді қалыптастыру, ұрпақтар сабақтастығын сақтау.
Бағдарлама бойынша іс – шараға қала мектептерінің 5-7 сынып оқушыларына Балқаш қаласына 85 жыл толуына орай патриоттық сабақ, қаланың Құрметті азаматтары туралы тарихи- танымдық сабақ,  Тәуелсіздік үшін күрескен қазақ халқының ұлы батыры, Ақжолтай атанған Ағыбай Қоңырбайұлының туғанына -220 жыл толуына сәйкес «Тәуелсіздікті ту еткен – ер Ағыбай» архивтік қорына тақырыптық шолу  жасалды, «Достықпен туған қала» тарихи -құжаттық көрме ұйымдастырылып, «Архив – тарих айнасы»  тақырыбына архив қоймаларына экскурсия жүргізілді.