Ұлы Отан соғысына қатысушы Иван Деомидович Почепцовтың туғанына 95 жыл толуына орай Балқаш қаласының мемлекеттік архивінде № 65 архивтік құжаттар материалдары негізінде «Есімі қала тарихында. Имя в истории города» тарихи -құжаттық көрме ұйымдастырылды.
Иван Деомидович Почепцов 1925 жылы 18 қыркүйекте Семей уезінің Бородулиха ауылында дүниеге келген. 1936 жылы отбасымен бірге Прибалхашстройға келді.
1942 жылы М.Горький атындағы № 1 орта мектепті бітіргеннен кейін,
1-ші Харьков танк училищесіне жіберілді, 1943 жылы 9 ақпанда кіші лейтенант майданға шақырылды.
1944 жылы 14 тамызда кіші лейтенант И.Д.Почепцов Литва КСР Росейняй қаласы ауданында неміс басқыншыларының талқандауында қаза тапты. Иван Почепцов Росейняй қаласының бауырлас зиратында жерленген.
Иван Почепцовтың соғыс жылдарындағы тағдыры жасөспірімдерге тән. Сол бір қатерлі күндері Отанын қорғау үшін мыңдаған ер балалар мектеп орындығынан соғысқа аттанды. Соның бірі ол еді. Оның өмірі 19 жасында үзілді, ал ол жайлы естелік бүгінге дейін сақталуда.
1 бөлімге мемлекеттік архивтің 65 қорынан алынған құжаттардың түпнұсқасы қойылды: туылғандығы туралы көшірме, № 1 орта мектептің жеке ісі, тәртібі, оқу үлгерімі ведомстары, Мақтау грамоталары, сыныптасының естелігі енгізілді.
2 бөлімге әскерден жазған хаттары, әскери бөлім басшысынан келген хаттары, әскери бөлімнің анықтамалары, қайтыс болғандығы туралы хабарлама, фотоқұжаттары қойылды.
И.Д.Почепцов жерленген зиратына гүл шоқтарын қою,
Литва КСР, Росейняй қ-сы,1980ж.
Возложение цветов у могилы Почепцова И.Д.,
Литовская ССР, г.Росейняй,1980г.
