Қазақстан Республикасының тұңғыш Президент күніне орай 2019 жылы 21-26 қарашада қала мектептерінің 7-8 сынып оқушыларына арналған дәстүрлі патриоттық сабақтар өткізілді. (16 сабақ, 240 оқушы қатысты).

«Н.Ә.Назарбаев - Қазақстан Республикасының тұңғыш Президенті, Елбасы» жеке архивтік қор топтамасы негізінде, Мемлекет басшысының өмірі мен қызметі, қатардағы жұмысшыдан әлем танитын мемлекеттік қайраткерге дейінгі кезеңдері көрсетілді.

Сабақта Теміртау Қарағанды металлургия комбинатында домна цехындағы еңбегі туралы құжаттық киносюжет, Балқаш қаласына келген іс-сапарлары көрсетілді.

Сонымен қатар оқушылар назарына «Тарих.Тұлға.Елбасы» құжаттық-тарихи көрме ұсынылды.

Қорытындыда қаланың 70 жылдығына орай 2007 жылғы 5 қыркүйекте Президенттің Балқаш қаласына келу сапарының бейнефильмі көрсетілді.