2019 жылы 30 сәуірде «Азаматтарға арналған үкімет» мемлекеттік корпорациясы»коммерциялық емес акционерлік қоғамының Балқаш филиалында мемлекеттік архив қызметкерлері түсіндіру жұмысы аясында қызметкерлерге «Архивтік анықтамалар беру» мемлекеттік қызметінің сапасын арттыру мәселелері бойынша семинар өткізді. Қызметкерлердің назарына мемлекеттік архив қорларының жаңартылған тізімі ұсынылды.

Көрсетілетін қызметті алушы веб-портал арқылы жүгінген кезде типтік қателіктерге ерекше назар аударылды: жолдардың дұрыс толтырылмауы, қажетті мәліметтердің болмауы, мемлекеттік қызмет көрсету Стандартының 9-тармағында көзделген құжаттар пакетін толық ұсынбауы.

Сондай-ақ «Электрондық үкімет» веб-порталы арқылы архивтік анықтамаларды алу бойынша жадынамалар таратылып, өзіне-өзі қызмет көрсету секторының келушілеріне мемлекеттік қызмет көрсету тәртібі туралы кеңес берілді.