27-30 қарашада мемлекеттік архивтеҚазақстан Республикасының тұңғыш Президент күніне орайқаланың колледж оқушыларына арналған дәстүрлі тарихи сабақтары өткізілді. «Н.Ә.Назарбаев - Қазақстан Республикасының тұңғыш Президенті, Елбасы» жеке архивтік қор топтамасы негізінде, Елбасының өмірі мен қызметінің негізгі кезеңдері қатардағы жұмысшыдан әлем танитын мемлекеттік қайраткерге дейінгі кезеңдері көрінді. Тәуелсіз мемлекет - Қазақстан Республикасының құрылуы мен дамуындағы Ел Президентінің маңызды рөл атқарғанына аса назар аударылды.

Теміртау Қарағанды металлургия зауытында Н.Ә.Назарбаевтың алғашқы еңбек жолының кезеңдерін баяндайтын құжаттық киносюжет және Балқаш қаласына келу іссапарлары көрсетілді. «Тарих.Тұлға.Елбасы» құжаттар және фотоқұжаттар көрмесіне бірегей құжаттардың көшірмесі ұсынылды:өмірбаяны, мінездемелері, пікірлер, ұсыныстары сонымен қатар, тұңғыш Президенттің қолы қойылған тарихи заңдар мен жарлықтар.

29 қараша 2018 жылымемлекеттік архив М.Хамзин атындағы мәдениет сарайының фойесінде «Рухы биік ұлы елдің көшбасшысы» қалалық форумын өткізу аясында«Тарих.Тұлға.Елбасы» құжаттар және фотоқұжаттар көрмесін ұйымдастырды. Көрмеге «Н.Ә.Назарбаев - Қазақстан Республикасының тұңғыш Президенті, Елбасы» топтама құжаттары ұсынылды. Көрме экспозициясы архивтік материалдар негізінде слайдфильм көрсетумен жалғасты.