Елбасы Нұрсұлтан Назарбаевтың «Болашаққа бағдар: рухани жаңғыру» бағдарламасы төл тарихымызды таразылап, тұғыры биік тұлғалардың өнегелі өмірі мен ғибратты мұрасы арқылы өскелең ұрпақ бойына патриоттық рух сіңіру мақсатында мүмкіндіктерімізге кеңінен жол ашып отыр. Өткенсіз – бүгін, бүгінсіз – ертең жоқ екенін көрегендікпен болжаған Ұлт Көшбасшысы өзінің бағдарламалық мақаласында ұлт тарихын тану мен тұлғаларды дәріптеудің маңыздылығын нақты атап өтті. Елбасының бұл идеясы – халқымыз үшін тарихи мүмкіндікке ие болып отыр.

Қағазбек Қасымжан Қағазбекұлы -–КСРО халық ағарту ісінің озық қызметкері, Қазақ ССР халық ағарту ісінің озық қызметкері, Балқаш қаласының Құрметті азаматына 90 жыл. Осы жылы Балқаш қаласының мемлекеттік архиві Қасымжан Қағазбекұлыныңжеке қор топтамасымен толықтырылды. Аталған топтамада Қасымжан ұстаздың жүріп өткен жолдары, жеткен жетістіктері, мектепке сіңірген еңбектерінен терең мағыналы деректер алуға болады.

Мемлекеттік архивте«Есімі қала тарихында» айдарымен ұлағатты ұстаз Қағазбек Қасымжан Қағазбекұлыныңтуғанына - 90 жыл толуына орай құжаттар мен фотоқұжаттар көрмесі ұйымдастырылды.