Балқаш қаласының мемлекеттік архивінде қаламыздың 80-жылдығы аясында ағымдағы жылдың 3-7 сәуір аралығындақала колледждерінің оқушылары мен мектеп оқушылары үшін «Достықпен туған қала» атты патриоттық сабақтар өтті.

Тыңдармандар архив материалдарының негізінде қала және Балқаш мыс балқыту зауытының алғашқы құрылыс кезеңі тарихымен танысты. Сабақ барысында көрсетілген құжаттық киносюжет оқушыларға терең ой салды.

Алғашқы құрылысшылардың ерлігі мен батылдығы олардың жан қиярлық еңбектері мен бірлестіктері арқасында шөлейт жерден индустриялық қала тұрғызылып, Қарағанды облысының мәдени орталықтары мен ірі кәсіпорындарының бірі болды.

Сабақтың мақсаты – Балқаштың алғашқы құрылысшыларына, өз қаламызға деген шексіз сүйіспеншілікті көрсету, өсіп келе жатқан ұрпаққа қала тарихының ерліктерін ұғындыру.

Сабақтар мемлекеттік және орыс тілінде жүргізілді. Барлығы 300 оқушы қамтылды.